ઉપરવાસ સહવાસ અંતરવાસ – સેટ

કથાત્રયીનાં પાત્રો વાચકના મનમાં કાયમી સ્થાન જમાવીને સ્વજનો જેવાં બની રહે છે. કથાત્રયીમાં રાજકારણ અને બદલાતી રાજકીય પરિસ્થિતિનું નિરૂપણ જે ક્ષમતાથી થયું છે તે રઘુવીરને ઉત્તમ સર્જક સ્થાપી આપે છે.

– કિરીટ દૂધાત
‘અમૃતા‘એ ગુજરાતી નવલકથાને સમૃદ્ધ કરી જ છે, પણ રઘુવીર ચૌધરીની સર્જકતાનો સઘળો હિસાબ તો આ બૃહદકથાએ જ આપ્યો છે.

– રમેશ ર. દવે
સામાજિક અને વૈયક્તિક જીવનના વિકાસનું આલેખન આ નવલકથામાં લેખકની સૌથી મોટી સિદ્ધિ જણાય છે.

– જયંત કોઠારી
રઘુવીર ચૌધરીની નવલત્રયી – ‘ઉપરવાસ’, ‘સહવાસ’ અને ‘અંતરવાસ’ – આઠમા દાયકાના ગુજરાતી સાહિત્યમાં સૌથી મોટી ઘટના છે.

– નિરંજન ભગત